АХМЕТ ШӘМИЕВ

АХМЕТ ШӘМИЕВ 11 шілде 1908, Жаркент — 14 маусым 1983, Алматы, Қазақ КСР. Ұйғыр кеңестік актері және әнші. Қазақ КСР-інің халық әртісі (1969). Қазақ КСР-інің еңбек сіңірген әртісі (1958). Жалшы-кедей отбасында дүниеге келген. Шығармашылық жолын 1925 жылы Жаркенттегі драма үйірмесінде бастады. 1935–1983 жылдары — Ұйғыр музыкалық-драма театрының актері. Кәсіби сахнадағы алғашқы рөлі — Д. Әсімов пен А. Садыровтың «Анархан» музыкалық драмасындағы Мухпула бейнесі. Кейін осы қойылымда жалшы Сеиттің рөлін орындады. Соғыс жылдарында КСРО халықтарының әндерін орындаушы ретінде танымал болды. «Қазақстан», «Отан», «Колхоз», «Гудок», «Махаббатым» және басқа да әндердің авторы. 1945 жылдан бастап Компартия мүшесі. «Құрмет белгісі» орденімен, КСРО медальдарымен марапатталған.