Лола Абдукаримова
ЛОЛА АБДУКАРИМОВА 1935 жылы 28 тамызда Якутиядағы Ямга ауылында дүниеге келген. Қазақ актрисасы. 1952 жылы Ташкент хореографиялық училищесін бітірген. 1952–1954 жылдары – Ташкент филармониясының актрисасы, 1956–1958 жылдары – Қазақ ән-би ансамблінің солисті, кейін «Қазақфильм» киностудиясының актрисасы болды. 1990-жылдары «Қазақфильмдегі» шығармашылық жолын аяқтап, күйеуі – оператор Асхат Ашраповпен бірге Ресейге, Мәскеу облысына қоныс аударып, өнерін жалғастырды. 1990 жылы «Альянс» кинофирмасын құрып, оның көркемдік жетекшісі әрі продюсері болды. Өмірінің соңғы 17 жылын Қырымда өткізді. Төсекке таңылған ауыр науқас күйеуін күтіп жүріп, ол қайтыс болғанға дейін «Махаббаттың тәжі» киносценарийін бірге әзірледі. Өкінішке қарай, Асхат Тазетдинұлының қазасы олардың шығармашылық және отбасылық өмірінің 50 жылдық мерейтойына дайындықты тоқтатты. Қазақ КСР-інің еңбек сіңірген әртісі. Әр түрлі республикалардың көптеген үкіметтік және кинематографиялық марапаттарына ие болды. Алма-Атаның Фрунзе ауданының 101-округінен аудандық кеңес депутаты болып сайланды, Қазақ КСР Кинематографистер одағы жанындағы тұрғын-үй-тұрмыстық комиссия төраға орынбасары, Қазақстан әйел кинематографистері ассоциациясының төрайымы болды. 1989 жылы «Эдельвейс» әйелдер киностудиясының басқарма төрайымы – көркемдік жетекшісі болып тағайындалды. КСРО кинематографистері съездерінің делегаты болып бірнеше рет сайланды. Ресей Кинематографистер одағының ардагері, Ресей киноактерлері гильдиясының мүшесі. 2023 жылы 21 сәуірде дүниеден өтті.
- Тақырып: Лола Абдукаримова
- Танымалдылық: 0.0778
- Белгілі: Acting
- Туған күн: 1935-08-28
- Туған жері: Yamga village (Yakutia)
- Басты бет:
- Сонымен бірге белгілі: Лола Абдулкаримова, Ашрапова Лидия Леонтьевна, Лидия Ашрапова, Lidiya Ashrapova
