Rasim Cəfər
Rasim Valeh oğlu Cəfərov (Rasim Cəfər) Bakıda anadan olub. Azərbaycan Dövlət Mədəniyyət və İncəsənət Universitetinin dram və kino aktyorluğu fakültəsində təhsil alıb (1996-2000, Əliabbas Qədirovun kursu). 1996-cı ildə Akademik Milli Dram Teatrında epizodik çapar rolunda səhnəyə çıxıb. 1 il Dram Teatrında, daha sonra Pantomim Teatrında (1997-2002) çalışıb. İbrus və Yuğ Teatrları ilə əməkdaşlıq edib. Xarici film istehsalçılarının “Rus tərcüməsi” (2006, rejissor Aleksandr Çernyayev / Rusiya) filmində, “İtkin düşmüş adam” (2010, rejissor Anna Fençenko / Rusiya) filmində cənublu David rolunda, “Ana yurdum” (2012, rejissorlar Nadir Sayever, Əli Taherfar / İran) filmində təbrizli Habil rolunda və “Əli və Nino” (2015, rejissor Asif Kapadia / Böyük Britaniya) filmində çəkilib. 2005-ci ildən Gənc Tamaşaçılar Teatrının aktyorudur. Əməkdar artistdir (2016). Aktyor Rasim Cəfərov ssenarist, aktrisa Reyhan İsayevanın həyat yoldaşıdır.
- Başlıq: Rasim Cəfər
- Populyarlıq: 0.001
- Tanınan: Acting
- Ad günü: 1978-10-17
- Doğum yeri: Baku, Azerbaijan SSR, USSR [now Azerbaijan]
- Ana səhifə:
- Başqa adla: Rasim Valeh oğlu Cəfərov, Rasim Jafarov, Rasim Ceferov
